ᑲᓲᑎᓂᖅ.
ᑲᔪᖏᖅᓴᐃᓂᕐᒧᑦ.
ᐃᓕᓐᓂᐊᑎᑦᑎᓂᕐᒥᑦ.
ᕿᑎᕐᒥᐅᑦ ᐃᓚᒌᖕᓂᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ ᑐᙵᕕᖃᖅᐳᑦ ᑲᔪᓯᑎᑦᑎᓪᓗᑎᒃ ᓄᓇᓕᖕᓂ ᖃᓄᐃᙱᑦᑎᐊᕐᓂᕐᒥᒃ ᐃᓅᖃᑎᒌᖕᓂᕐᒧᓪᓗ ᒪᓕᒐᓕᕆᓂᕐᒥᒃ ᐱᐅᔪᒃᑯᑦ ᐱᓕᕆᐊᖃᕐᓂᒃᑯᑦ ᓯᕗᓕᖅᑎᐅᓂᒃᑯᓪᓗ.
ᓴᖅᑭᑦᑎᓂᖅ ᑐᑭᖃᑦᑎᐊᖅᑐᓂᒃ ᐱᓕᕆᖃᑎᒌᒍᓯᕐᓂᒃ ᓄᓇᓕᖕᓂ ᓄᓇᕘᓕᒫᒥ
ᕿᑎᕐᒥᐅᓂ ᐃᓚᒌᖕᓂᕐᒧᑦ ᑲᑐᔾᔨᖃᑎᒌᑦ ᐱᑎᑦᑎᕙᒃᐳᑦ ᐊᔾᔨᒌᙱᑦᑐᓂᒃ ᓄᓇᓕᖕᓂ ᐱᕙᓪᓕᐊᑎᑦᑎᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ, ᐱᓕᕆᐊᒃᓴᓂᒃ ᐃᓕᓐᓂᐊᕐᓂᕐᒧᓪᓗ ᑐᓴᖅᑕᐅᔪᒃᓴᓂᒃ ᐃᓕᖕᓂᒃ ᐃᑲᔪᕈᒪᓂᕐᒧᑦ ᐊᖅᑯᓯᓂᕆᔭᕐᓂᒃ ᓯᕗᒻᒧᑦ. ᓇᒧᑐᐃᓐᓈᕋᓗᐊᕈᕕᑦ, ᐱᔨᑦᑎᕋᐅᑎᕗᑦ ᐱᓕᕆᐊᒃᓴᕗᓪᓗ ᐃᑲᔪᕐᓂᐊᖅᑐᑦ ᑕᐃᑯᙵᐅᓗᑎᑦ.
ᓯᕗᓕᖅᑎᕗᑦ
ᑭᐊᓐᑐᓪ ᐊᕐᓇᕕᒐᖅ-
ᒪᒃᑯᒃᑑᓪᓗᖓ ᐊᕐᓇᐅᓪᓗᖓ ᐱᕈᖅᐸᓪᓕᐊᓪᓗᖓ, ᖃᐅᔨᓚᐅᖅᐳᖓ ᐊᒥᓱᓂᒃ ᐊᒃᓱᕈᕐᓇᖅᑐᓂᒃ ᓵᖓᔭᐅᔪᓂᒃ ᐃᓕᓐᓂᐊᖃᑎᓐᓄᑦ ᐊᒻᒪᓗ ᐱᑕᖃᑦᑎᐊᙱᓐᓂᖓᓄᑦ ᓄᓇᓕᖕᓂ ᐃᑲᔫᑎᒃᓴᓂᒃ ᐊᒻᒪ ᐃᑲᔪᖅᓱᐃᔾᔪᑎᓂᒃ ᐊᑐᐃᓐᓇᐅᓚᐅᙱᑦᑐᓂᒃ ᐅᕙᑦᑎᓐᓄᑦ. ᐱᕕᖃᖅᓯᒪᕗᖓ ᐃᖅᑲᓇᐃᔭᕆᐊᒃᓴᖅ ᐃᓄᓕᕆᓂᖕᒥᑦ ᐃᓄᓕᕆᓂᖕᒧᓪᓗ ᐱᓕᕆᐊᒃᓴᓂᑦ ᕿᑎᖕᒥᐅᓂᑦ ᓄᓇᕗᓕᒫᒥᓪᓗ. ᑕᒪᒃᑯᓇᙵᑦ ᐊᑐᖅᓯᒪᔭᒃᑯᑦ, ᖃᐅᔨᓯᒪᕗᖓ ᐱᓕᕆᐊᖑᔭᕆᐊᖃᒻᒪᕆᒻᒪᑦ ᓄᓇᓕᓐᓂ ᐱᒋᐊᖅᑎᑕᐅᔪᓂᑦ ᐃᑲᔪᖅᓱᕐᓂᕐᒧᑦ ᐃᓄᖁᑎᑦᑎᓐᓂᑦ ᖃᓄᑐᐃᓐᓇᖅ ᐅᑭᐅᓕᓐᓄᑦ.
ᑭᐊᓐᑐᓪ ᐊᕐᓇᕕᒐᖅ-ᐊᖓᔪᖅᑳᖅ
ᓴᓃᔅ ᓇᑯᔭᒃ-
ᐊᓪᓗᕐᓗᑎᑦ ᐊᑕᐅᑦᑎᒃᑯᑦ. ᑐᐊᕕᖅᑕᐃᓕᒋᑦ ᑭᓱᑐᐃᓐᓇᒥᒃ, ᑭᓱᓕᒫᑦ ᐱᔭᕆᑐᔫᓲᑦ. ᐃᒻᒥᓂᒃ ᒪᒥᓴᕆᐊᖃᖅᑐᑎᑦ ᐃᓕᖕᓂᒃᓗ ᑲᒪᒋᖅᑳᕐᓗᑎᑦ! ᐱᖃᓐᓇᕆᔭᕋ ᑕᑯᓪᓗᒍ, ᐊᒥᓱᓂᒃ ᐱᓕᖅᑭᑦᑖᑲᑕᒡᓗᑎᑦ ᐊᒻᒪ ᓱᓕ ᐊᓂᖅᓵᑦᑎᐊᑲᑕᒡᓗᑎᑦ. ᐅᐱᒋᕙᒋᑦ! ᐅᐱᒋᕙᑦᑎᒋᑦ!
ᓴᓃᔅ ᓇᑯᔭᒃ-ᑲᑎᒪᔩᑦ ᐃᒃᓯᕙᐅᑕᖓᑦ
ᐱᓕᕆᖃᑎᕗᑦ
ᖁᔭᓐᓇᒦᖑᔪᓯ ᑮᓇᐅᔭᖃᖅᑎᑦᑎᔨᕗᑦ ᐃᑲᔪᖅᑐᐃᕙᒃᑐᑦ ᑕᐅᑐᒃᑕᑦᑎᓐᓂᒃ, ᐱᓕᕆᐊᒃᓴᕗᓪᓗ ᐊᔪᕐᓇᕈᓐᓃᖅᑎᖦᖢᒋᑦ!
ᐱᔨᑦᑎᕋᖅᑎᑦ
ᓄᑕᖅᑲᓄᑦ ᒪᒃᑯᒃᑐᓄᓪᓗ ᐱᓕᕆᐊᒃᓴᑦ-
ᓄᑕᖅᑲᑦ ᒪᒃᑯᒃᑐᓪᓗ ᐃᓚᒋᔭᐅᓪᓚᕆᒃᐳᑦ ᓄᓇᑦᑎᓐᓂ. ᐱᓕᕆᐊᒃᓴᑦ ᐱᔨᑦᑎᕋᐅᑎᓪᓗ ᖁᓱᔪᓐᓃᖅᑎᑦᑎᓲᑦ, ᐱᕈᖅᓴᐃᓂᕐᓂᑦ, ᓇᓗᓇᐃᔭᐃᓂᖅ ᓴᙱᓂᒻᒪᕆᐅᔪᓂᑦ ᐊᑑᑎᖃᒻᒪᕆᒃᖢᑎᒡᓗ. ᑲᑐᔾᔨᖃᑎᒌᖕᓂᒃᑯᑦ ᐊᒻᒪ ᐱᓕᕆᖃᑎᒌᒐᓱᖕᓂᒃᑯᑦ ᓄᓇᓕᖕᓂ−ᑐᙵᕕᓖᑦ ᐱᔨᑦᑎᕋᖅᑎᑦ, ᕿᑎᕐᒥᐅᓂ ᐃᓚᒌᖕᓂᕐᒧᑦ ᑲᑐᔾᔨᖃᑎᒌᑦ ᐱᔪᒃᓯᑎᑦᑎᔪᓐᓇᖅᓯᓚᐅᖅᐳᑦ ᓄᑕᖅᑲᓂᒃ ᒪᒃᑯᒃᑐᓂᒡᓗ ᐊᐅᓚᑦᑎᔪᓐᓇᖅᓯᓪᓗᑎᒃ ᐊᒻᒪ ᐊᐅᓚᑦᑎᑦᑎᐊᕐᓗᑎᒃ ᓯᕗᓂᒃᓴᒥᓂᒃ ᐃᑲᔪᖅᑐᐃᓂᒃᑯᑦ.
ᐃᓱᒪᒃᑯᑦ ᐃᓅᖃᑎᒌᖕᓂᕐᒧᓪᓗ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᖑᕙᒃᑐᑦ-
ᐱᓕᕆᖃᑎᖃᖅᐸᒃᐳᒍᑦ ᓄᓇᓕᖕᓂ ᑲᑐᔾᔨᖃᑎᒌᓂᒃ ᐱᓕᕆᐊᖃᓪᓚᕆᒍᒪᓪᓗᑕ ᐃᓚᐅᑎᑦᑎᓂᕐᒥᒃ ᓄᓇᓕᖕᒥᐅᓂᒃ ᐅᑯᓇᓂ, ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᕐᒧᑦ ᐱᕙᓪᓕᐊᓂᕆᔭᐅᔪᒥᒃ ᐃᓄᐃᓪᓗ ᐱᔨᑦᑎᕋᕐᓂᕆᕙᒃᑕᖏᓐᓄᑦ ᐊᒃᑐᐊᓂᓕᖕᓄᑦ ᐱᒋᐊᖅᑕᐅᓯᒪᔪᓄᑦ ᐃᑲᔪᕋᔭᖅᑐᓄᑦ ᐱᓕᕆᕝᕕᒋᕙᒃᑕᑦᑎᓐᓂᒃ ᓴᖅᑭᔮᓕᖅᑎᑦᑎᔪᒪᓂᕐᒧᑦ ᖃᓄᐃᙱᑦᑎᐊᕈᓐᓇᕐᓂᕐᒥᒃ.
ᐃᓕᖅᑯᓯᑐᖃᓕᕆᓂᖅ ᓴᖅᑭᔮᖅᑎᑕᐅᓯᒪᕗᖅ ᐃᑲᔪᕈᒪᓪᓗᓂ ᐆᒻᒪᕆᐊᖅᑎᑦᑎᒃᑲᓐᓂᕐᓂᕐᒥᒃ ᓄᓇᓕᖕᓂᒃ ᐊᖏᒡᓕᒋᐊᖅᑎᑦᑎᓂᒃᑯᑦ ᑮᓇᐅᔭᓕᐅᕋᓱᖕᓂᕐᒥᒃ ᓴᙱᒃᑎᒋᐊᖅᑎᑦᑎᓂᕐᒥᒡᓗ ᐃᓅᖃᑎᒌᒃᐸᖕᓂᕐᒧᑦ ᐊᒃᑐᐊᓂᕆᔭᐅᔪᓂᒃ ᑕᒪᐃᓐᓄᑦ ᓄᓇᓕᖕᒥᐅᓕᒫᓄᑦ. ᕿᑎᕐᒥᐅᓂ ᐃᓚᒌᖕᓂᕐᒧᑦ ᑲᑐᔾᔨᖃᑎᒌᑦ ᑕᐅᑐᒐᖃᓪᓗᐊᑕᖅᐳᑦ ᐅᑎᖅᑎᑦᑎᓂᕐᒥᒃ ᐱᒻᒪᕆᐊᓘᓂᖓᓂᒃ ᐃᓕᖅᑯᓯᑐᖃᕐᓄᑦ ᐊᓂᒍᐃᔪᓐᓇᕐᓂᕐᒥᒃ, ᐅᖃᐅᓯᕐᒥᒃ ᐆᒻᒪᕆᐊᖅᑎᑦᑎᒃᑲᓐᓂᕐᓂᕐᒥᒃ, ᒪᒥᓴᕐᓂᕐᒥᒃ ᓄᓇᒥᓗ ᐱᓕᕆᐊᖑᕙᒃᑐᓂᒃ.
ᐃᓕᖅᑯᓯᑐᖃᓕᕆᓂᖅ-
ᓄᑕᖅᑲᑦ ᒪᒃᑯᒃᑐᓪᓗ ᐱᒻᒪᕆᐅᓛᖑᖃᑕᐅᕗᑦ ᓄᓇᑦᑎᓐᓂ. ᕿᑎᕐᒥᐅᓂ ᐃᓚᒌᖕᓂᕐᒧᑦ ᑲᑐᔾᔨᖃᑎᒌᑦ ᐃᓕᓴᖅᓯᕗᑦ ᑕᒪᒃᑯᓂᖓ ᐊᓂᒍᖅᑎᓐᓇᓱᒋᐊᖃᖅᐸᒃᑐᓂᒃ ᑕᐅᑐᒐᖃᓪᓗᐊᑕᖅᖢᑎᒡᓗ ᓴᙱᓂᖅᑖᖅᑎᑦᑎᓂᕐᒥᒃ ᓄᑕᖅᑲᓂᒃ ᒪᒃᑯᒃᑐᓂᒡᓗ ᐃᓅᖁᓪᓗᒋᑦ ᓇᓕᒧᒌᖕᓂᖅᓴᐅᔪᒥᒃ ᐃᓅᓯᖃᖁᓪᓗᒋᑦ. ᐊᑐᕐᓂᖅ ᖃᓄᐃᑦᑐᑐᐃᓐᓇᑦᑎᐊᓂᒃ ᖃᓄᐃᓕᐅᕈᑎᓂᒃ − ᐱᙳᐊᕐᓃᑦ, ᐱᙳᐊᕐᓂᖅ, ᒧᒥᕐᓂᖅ, ᓴᓇᐅᒐᓕᕆᓂᖅ ᑐᓴᕐᓈᕐᓂᕐᓗ − ᐋᖅᑭᒃᓯᕙᒃᐳᒍᑦ ᐊᑯᓂᐅᔪᒃᑯᑦ ᐊᒃᑑᑎᔪᓂᒃ ᐱᑎᖦᖢᒋᓪᓗ ᓄᑕᖅᑲᑦ ᖃᐅᔨᒪᓂᕐᓂ ᐊᔪᙱᓐᓂᕐᓂᒃᓗ ᐃᖏᕐᕋᓗᑎᒃ ᐊᓯᔾᔨᕐᓂᕐᒥᒃ ᐃᓅᓯᖏᓐᓂ, ᖃᑕᙳᑎᖏᓐᓂ ᓄᓇᓕᖏᓐᓂᒃᓗ.
ᑭᐱᙳᐃᔭᕐᓂᕐᒧᑦ ᐃᓅᑦᑎᐊᕐᓂᕐᒧᓪᓗ ᐱᓕᕆᐊᖑᓂᐊᖅᑐᑦ-
“ᐱᓕᕆᖃᑎᒌᒍᓐᓇᖅᑐᒍᑦ ᓴᖅᑭᑎᑦᓯᓂᕐᒥᑦ ᐃᓂᒥᑦ ᐃᓚᒋᓕᐅᔾᔨᓯᒪᑦᓯᐊᓂᕐᒥᑦ ᐃᑲᔪᖅᑐᕐᓂᕐᒥᓪᓗ. ᐊᒃᓱᕈᕈᑎᒋᔭᓯ ᐊᒃᓱᕈᕈᑎᒋᕙᕗᑦ!”
-ᑭᐊᓐᑐᓪ ᐊᕐᓇᕕᒐᖅ-ᐊᖓᔪᖅᑳᖅ
ᐱᒻᒪᕆᐅᒋᔭᕗᑦ
ᐃᓚᒌᑦ-
ᐊᑐᖃᑦᑕᖅᑕᕗᑦ ᑐᙵᕕᖃᖅᑐᖅ ᐃᓚᒌᑦ ᐱᒻᒪᕆᐅᒋᔭᖏᓐᓂᒃ ᐱᔨᑦᑎᕋᐅᑎᖏᓐᓂᒡᓗ ᐱᔨᑦᑎᖅᑐᓂᒃ ᑭᖑᕚᕇᓄᑦ ᑲᑎᙵᓂᐅᔪᓄᑦ. ᐃᓕᖅᑯᓯᕆᔭᐅᔪᑦ ᐊᒻᒪ ᐱᖅᑯᓯᒃᑯᑦ ᐅᒃᐱᕆᔭᐅᔪᑦ ᐱᒻᒪᕆᐅᙱᒻᒪᑕ ᐃᓄᐃᑦ ᓄᓇᖏᓐᓂ, ᐊᑐᖃᑦᑕᖅᑐᒍᑦ ᐃᓅᓯᓕᕆᓂᕐᒧᑦ ᐊᒻᒪ ᐋᓐᓂᐊᕕᓐᓂᑦ ᐅᔾᔨᕆᔭᐅᔪᓂᒃ ᐱᔨᑦᓯᖅᑐᑕ ᐃᑲᔪᖅᓱᖅᑐᓂᒃ ᐊᔾᔨᒌᙱᑦᑐᓂᒃ ᐃᓚᒌᑦ ᖃᓄᐃᙱᑦᑐᓐᓇᕐᓂᖏᓐᓂᒃ.
ᐃᑲᔪᖅᑕᐅᔭᖅᑐᖅᑐᓄᑦ ᐱᔨᑦᑎᕋᖅᑕᐅᕝᕕᒃ-
ᑐᕌᒐᖃᖅᑐᒍᑦ ᐊᑐᐃᓐᓇᐅᑎᑦᓯᓂᕐᒥᑦ ᖃᓄᐃᓕᖓᓂᖃᑦᓯᐊᖏᑦᑐᒥᑦ ᐱᐅᔪᒥᑦ ᐃᓱᒪᒋᔭᖃᕐᓂᕐᒥᑦ, ᐃᑉᐱᒍᓱᓐᓂᕐᒥᑦ, ᐃᑲᔪᖅᑐᕐᓂᕐᒥᓪᓗ ᓴᖅᑭᑎᑦᓯᓂᕐᒥᑦ ᐊᓂᕐᓂᖃᕐᓇᖅᑐᒥᑦ ᐱᔨᑦᓯᕋᖅᑕᐅᔪᑦ ᑐᓴᐅᒪᖃᑦᑕᐅᑎᒍᓐᓇᕐᓂᖏᓐᓂᑦ ᒫᓐᓇᐅᔪᖅ ᐃᓱᒪᒋᔭᖏᓐᓂᑦ ᐃᑉᐱᓐᓂᐊᓂᕐᒥᓪᓗ ᑐᑭᓯᐅᒪᔭᐅᑦᓯᐊᕐᓂᖏᓐᓂᑦ ᐃᖅᑲᖅᑐᖅᑕᐅᖏᖔᖅᓱᑎᒃ.
ᓱᓕᓂᖅ
ᕿᑎᕐᒥᐅᓂ ᐃᓚᒌᖕᓂᕐᒧᑦ ᑲᑐᔾᔨᖃᑎᒌᑦ ᐱᐅᔪᒻᒪᕆᖕᒥᒃ ᐊᑐᖅᓯᕙᒃᐳᑦ ᑭᐅᓯᓂᐊᕐᓗᓂ ᐊᒃᑐᖅᓯᓂᐅᕙᒃᑐᓂᒃ ᐊᕐᕌᒍᖃᑎᒌᙱᑦᑐᓄᑦ ᖁᐊᖅᓵᕐᓇᖅᑐᓄᑦ. ᐱᓪᓗᐊᑕᑦᑎᓐᓂ ᐅᒃᐱᕆᔭᖃᖅᐳᒍᑦ ᐊᓂᒍᖅᑎᓐᓇᓱᒋᐊᖃᖅᐸᒃᑐᓂᒃ ᓄᓇᓕᖕᒥᐅᑕᖁᑎᑦ ᓵᑦᑎᐊᕐᒥᐅᑕᕆᓕᖅᐸᒃᑕᖏᓐᓂᒃ ᕿᒥᕐᕈᐊᖅᑕᐅᓪᓗᐊᕐᓂᖏᓐᓂᒃ ᐃᓄᐃᑦ ᐃᓐᓇᖏᓐᓂᒃ, ᖃᐅᔨᒪᓂᕆᔭᐅᔪᓂᒃ ᐱᓯᒪᕙᒃᑐᓂᒃ ᓄᓇᓕᖕᓂᓗ ᐱᖃᖃᑕᐅᔪᓂᒃ.